Labaran chikin kasa Nigeria ::: Tsoro a Abuja yayinda aka zargi sojoji da cin zarafin masu zabe - BESTAREWA BlOG

Header Ads

Labaran chikin kasa Nigeria ::: Tsoro a Abuja yayinda aka zargi sojoji da cin zarafin masu zabe

<
Rahotanni da ke zuwa mana sun nuna cewa masu zabe na korafi game da yadda sojoji da sauran hukumomin tsaro suke hana zirga-zirga a Karu, Jiwoyi, Nyanya da dukkanin kewayen Abuja kafin karfe 6:00 na safe.
Sun bayyana cewar hakan yasa suna fuskantar matsala wajen zuwa mazabunsu.
Masu zabe na korafi kan yadda ake cin zarafinsu da razanasu yayinda aka ango sojoji na dukan mutane a yankin mazabar 005, kusa da Masallaci a Karu, don kakkabewa kwamadansu hanya.
Zaben 2019: Tsoro a Abuja yayinda aka zargi sojoji da cin zarafin masu zabe
A wani lamari na daban, mun ji cewa wasu Jami’an tsaro a Kano sun barbadawa masu neman aikin malaman zabe borkonon tsohuwa yayin da ake shirye-shiryen zaben shugaban kasa da kuma na ‘yan majalisu.
KU KARANTA KUMA: Zaben yau: Jami'an INEC basu iso ba yayinda mutane ke tururuwan fitowa a Nasarawa
A jiya da dare ne ‘yan sanda su ka watsawa masu neman aikin zabe hayakin da ke sa hawaye a cikin garin Kura da ke cikin jihar Kano. Wani daga cikin ma’aikatan zaben ya shaidawa ‘yan jarida wannan labari jiya Juma’a.
Gidan jaridar Labarai 24 ce ta rahoto mana cewa jami’an ‘yan sanda sun turnuke masu neman aikin zabe da hayaki bayan da jama’a su ka fara korafin cewa hukumar zabe na INEC ta jibge su ba tare da cewa komai ba.

No comments

Theme images by friztin. Powered by Blogger.