Saturday, 2 February 2019

Labaran chikin kasa Nigeria ::: mutum 60 suka rasa rayukansu a harin da akakai amnesty

Tags

Akalla mutum 60 aka kashe a wani hari da kungiyar Boko Haram ta kai a garin Rann da ke jihar Borno a arewa maso gabashin Najeriya, inji kungiyar kar hakkin bil Adama ta Amnesty International.
A cewar kungiyar, ta samu bayananta ne daga hotunan tauraron dan Adam da ta yi kididdiga akansu, wadanda suka nuna an kona daruruwan gine-gine a garin, kamar yadda ta bayyana a shafinta na Twitter.
Amnesty International ta ce, harin wanda aka kai a ranar 28 ga watan Janairu, shi ne mafi muni da aka kai a ‘yan kwanakin nan.
“Ta hanyar amfani da hotunan tauraron dan adam, mun tabbatar da cewa an yi kone-kone a lokacin da Boko Haram ta kai hari akan Ranna, wanda aksarinsa an daidaita shi.”
Kungiyar ta kara da cewa, da yawa daga cikin gine-ginen da aka kona, matsugunin da aka tanadarwa ‘yan gudun hijira ne, wadanda suka je neman mafaka.
Amnesty ta kara da cewa ta damu matuka bayanan da wasu shaidu suka fada mata cewa, dakarun Najeriya sun janye da kwana daya kenan a yankin aka kai harin.
Ya zuwa yanzu, hukumomin tsaro a Najeriyar ba su ce uffan kan wannan hari ba.
A na shi bangaren, dan takarar shugaban kasa karkashin jam’iyyar PDP, Atiku Abubakar ya nuna takaicinsa kan harin na Rann.
Atiku Abubakar
@atiku
My thoughts and prayers are with families and friend all those who may have lost a dear one in the renewe attack on Rann. premiumtimesng.com/news/headlin
1,974 7:55 PM - Feb 1, 2019
1,074 people are talking about this 60 killed in deadliest Boko Haram attack on Rann,
“We have now confirmed that this week’s attack on was the deadliest yet by Boko Haram."
premiumtimesng.com
“Hankulanmu da addu’o’inmu na tare da iyalai da abokanai da duka wadanda suka rasa wani nasu a wannan sabon hari akan Rann.” Atiku ya fada a shafinsa na Twitter.


EmoticonEmoticon