Tuesday, 22 January 2019

Labaran chikin kasa Nigeria :: Isowar turawa da zasu sa ido akan zabe

Tags

Jami'ai daga Tarayyar Turai sun isa Najeriya, domin saka ido kan zabubukan da za a gudanar a kasar a watan gobe.
Wata tawagar Tarayyar Turai da za ta sa ido akan babban zaben Najeirya da za a yi a watan gobe, ta iso Abuja babban birnin kasar, tawagar ta na karkashin jagorancin Uwargida Maria Arina, kuma tuni har mambobin tawagar sun gana da Ministan Harkokin Wajen Najeriya Mr. Geoffrey Onyeama, a ma'aikatar da ke Abuja.
Maria Arina ta ce, Najeriya na da kima da daraja sosai a idon kasashen duniya, don haka zaben na watan gobe na da matukar muhimmanci, duba da ganin matsayin Najeriya a tsakanin idanan duniya.
Sannan tace akwai bukatar a gudanar da zabe na gaskiya da adalci, kuma a halin yanzu babban abinda ‘yan Najeriya su kafi bukata shi ne su aminta da wannan tsari.
Ministan Harkokin Wajen Najeriya Geoffrey Onyeama, ya tabbatarwa da Tarayyar Turai cewa, za a gudanar da zabe na gaskiya da adalci, kuma wanda duniya zatai na'am dashi.


EmoticonEmoticon