Labaran Najeriya:::: Buhari ya kaddamar da yakin neman zabe - BESTAREWA BlOG

Header Ads

Labaran Najeriya:::: Buhari ya kaddamar da yakin neman zabe

<
Shugaban Najeriya Muhammadu Buhari ya kaddamar da yakin
neman zabensa a garin Uyo dake jihar Akwa Ibom.
Shugaban ya yi jawabi ga tarin mutanen da suka hallara a filin
wasa na garin.
Buhari ya yi bayani kan tsaro inda ya tabbatar da cewa
kungiyar Boko Haram bata rike da gari ko daya a halin yanzu a
Najeriya, don haka gwamnatinsa ta yi nasara a kan kungiyar.
Shugaban ya bayyana cewa a lokacin da ya karbi mulki a 2015,
Boko Haram na rike da kananan hukomi kusan 17 a jihohin
Barno da Yobe, amma a halin yanzu ba ta da iko da ko daya.
Ya ce gwamnatinsa za ta cigaba da tabbatar da tsaro da
habbaka tattalin arziki da kuma yaki da cin hanci da rashawa.

Shugaban ya bayyana cewa an kwato kadarori da kuma kudade
a yaki da ake yi da cin hanci da rashawa.
A bangaren tattalin arziki, ya bayyana cewa an samu ci gaba
wajen samar da abinci a Najeriya ta hanyar inganta noma da
kuma hana fasa kwaurin shinkafa.
Sai dai ya bayyana rashin aikin yi a matsayin matsala a kasar
ganin cewa kashi 60 cikin 100 na 'yan kasar matasa ne.
Tsohon gwamnan jihar ta Akwa Ibom Sanata Godswill Akbabio
shi ne shugaban yakin neman zaben na Shugaba Buhari.
Hakan ne ma ya sa ake ganin cewa an zabi jihar ta Akwa ibom
ta zama jihar da za'a kaddamar da yakin neman zaben.
Duk da cewa jamiyyar adawa ta PDP ce ke da iko a jihar,
Sanata Akpbabio dan siyasa ne mai karfin fada a ji wanda
kuma yake da tasiri a harkokin siyasar jihar.
Wannan dai shi ne yakin neman zabe karo na 5 da Shugaba
Muhammadu Buhari zai yi a Najeriya.
A 2003 ya yi yakin neman zabe tare da Chuba Okadibo a
matsayin mataimakin sa.
Haka a 2007 ya yi yakin neman zaben tare da Edwin Ume-
Ezeoke.
A 2011 ya fito tare da Tunde Bakare a matsayin mataimaki.
A zaben 2015 kuma tare da Farfesa Yemi Osibanjo wanda a
lokacin ne ya yi nasarar lashe zaben.
A yanzu, ya kara zabar Farfesa Yemi Osinbanjo a matsayin
mataimakinsa domin neman shugabancin kasar karo na biyu.
Mutane da dama suna jira su ga yadda wannan yakin neman
zaben na Shugaban Najeriya zai kasance.
Hakan ba ya rasa nasaba da cewa a 2014, akwai jiga-jigan 'yan
jam'iyyar ta Apc da dama wadanda aka zagaya dasu wajen
yakin neman zaben amma daga baya sun sauya sheka zuwa
wasu jam'iyyu.
Babban abin tambaya a nan shi ne, ko za'a samu taron mutane
kamar yadda aka samu a yakin neman zaben shekarar 2014
koko a'a?
Ana sa ran dai a wannan lokacin shugaban zai ci gaba da yakin
neman zaben ne akan samar da tsaro a kasar da kuma yaki da
cin hanci da rashawa da kuma kara habaka tattalin arzikin
kasar.
A kwanankin baya ne dai gwamnatin jihar ta Akwa Ibom ta fitar
da sanarwar cewa ba za ta yarda ayi amfani da filin wasa na
jihar ba domin gudanar da yakin neman zaben sakamakon
gasar kwallon Firimiya ta Najeriya da za'ayi a fili.
Daga baya ne dai gwamnatin jihar ta amince da ayi amfani ta
filin wasan domin kaddamar da yakin nemen zaben.

No comments

Theme images by friztin. Powered by Blogger.